Zindgi ki naksh kuch
atrangi si nazar aati hai
bahar jitna khushnuma
andar ghamgin si
nazar aati hai
pairon ke nishan jaise
dubte ubharte se hain
jitna aage failta
peeche utni hi chut ti
nazar aati hai
yeh jo faila saahil
ek lakeed sa hume dikhta hai
neeche zamin jitni
upar aasman utna hi
nazar aata hai
dariya ke do seere se
khul gaye hain
milte kabhi nahi,
eksaath bahte nazar aate hain
ek hi chehre pe
do do shaklein dikhte hain
kabhi qatil, kabhi masiha
bankar aate hain
iss ki aadat hume kuch
insaan si nazar aati hai
insaan si nazar aati hai
zindgi ki naksh kuch
atrangi si nazar aati hai
No comments:
Post a Comment